Adat lama ke di sebut Begiga Entelah Udah mupuk di Main ke sida ke ngena Facebook ba sebelah group.Taja mayuh orang enda nemu baka ni cara ngiga entelah,tang orang ke di kerindu maca leka lalai entelah ti ngundan Leka Jaku ti dalam.

Bangsa Iban antara bangsa Dayak ti pemadu Nyulut aba sarawak.Naka ke diatu suku bangsa
Dayak bukai bela mega Nitih Ke singkang sida.Mupuk ari bekena ke facebook cara ti pemadu manah kena ngepun ka pengerapit kaul sida.

Mantai ke pengawa main asal baka ke begiga entelah tu tau nambah ka pengerindu orang ke rebak baru aba bangsa sida tau majak betambah agi.Mayuh mega pengawa lama serta pemakai asal bangsa iban di bantai lalu di peda bala mayuh aba gempuro meri pengerindu ngagai sida empu
Kelimpah ari nya mega ulih meri sida bekelala serta bebagi ka penemu ngau diri sama diri.Mayuh ngembuan randau ti manah maya sida bekumin lalu nitih ke sengkalan randau enda ngelimpang ke bukai.Leka ke dulu randau nya kitai berati ke leka entelah Tu.

Lalah Entelah:

Tungkat buluh engkalat ngei berandi sarung kempat,Kenu ko iya di kena nyapat Lubang kilat awak ka kilat agi ngerayap nyelikap remang Ruat.Nyau ngasuh kilat manchar ka Nitar guntur besipat baka pukat Empelawa Jawa.

Tungkat Buluh Munti Ngei beradu Lebu Nganti,Kenu ko iya Di kena Ngerasi Lubang kudi awak ka hari badu jai ujan labuh nelian labuh memesi.Tang kapa kudi ka badu bebali jai ujan nelian labuh memesi nyau ngasuh kudi balat agi nyungkang ka batang tebelian pensi empeleman gemian ikan empelasi ngerasi reni bunsu baya.

Menua:
Di balai tatai penyangkai pengabang nguang,
Di tinting lubang Ensing Munyi kesuling nyumbuh Bujang

Ulu Lunga:Betunang sayau ke pangan


Pejuluk Entelah:
Ujan Nanya panas bisa labuh di nanga telaga Gelang
Puchung Juyung minya malaya tau ka pesaka batu pemandan
Bujang sigat duduk besila penyaja kuta pinyu labang.


Entelah tu ngelalai ke utai di kena kitai iban ngaga utai.Ia ukai utai di empa.kemayuh agi orang ke laki rajin ngaga utai ngena utai tuk.